السبت، 10 أغسطس 2013

الأمنجيه :............

ملحوظه قبل ماتقرا البوست ده عشان أكشفلك حقيقة مجموعه معينه ,متستره تحت اسم الثوره والميدان وماهم الا مجموعه من البلطجيه مشغلاهم الداخليه والمخابرات الحربيه.

يسقط كل من خان ..عسكر فلول أخوان ... الداخليه بلطجيه #عقيده

البدايه .. البدايه بدأت مع مشكله حصلت مع ظابط فى محمد محمود بغض النظر عن تفاصيل المشكله واحد من شلة الامنجيه اللى هوا محمد تركى رفع سلاح فى وش احد اصدقاء عيسى فى الرابطه (رابطه فنانى الثوره ) عشان مشاده كلاميه بين الولد ده والظابط وبعدها خلصت المشكله ع خير , ورجعوا اتجمعوا تانى يوم فى محمد محمود وقالوا هيعتذروا لصديق عيسى , فى الوقت ده كان فى مشكله مع عسكرى معدى - وده عادى على فكره- بس اللى مش عادى ان كذا حد من الثوار شاف مهند سمير بيكلم الظابط صاحب المشكله بيقوله "ايوا يا مصطفى بيه -اللى ماسك قسم عابدين- ,معاك مهند سمير , العيال بيرازوا العساكر فى محمد محمود , أجيبهملك " !!
بالمناسبه دى خلينى أحكيلكم قصة مهند , مهند لغاية مااتصاب واتحبس وخرج كل ده كل الناس عارفاه بس اللى مش كل الناس عارفاه اصابة مهند التنيه : ودى كانت بسبب الأتاوه اللى فارضها هوا وشلته "شلة محمد المصرى " ع أحد المحلات القريبه من الميدان , الراجل اللى هوا صاحب المحل -هوا بالمناسبه night club - كان متكدر منه مش بس عشان الاتاوه عشان مهند كان بيروح عنده ياخد اللى هوا عايزه ويعمل اللى هوا عايزه ويمشى , فأجرله بلطجى ضربه بالخرطوش فى وشه (واللى اتقال فى الوقت ده ان اتضرب عشان هوا الشاهد الوحيد فى قضية مقتل الشهيد رامى الشرقاوى والحقيقه عكس كده خالص)
             ___________________________________________________________

نرجع لحكاية محمد محمود اللى أكدتلنا بالدليل القاطع ان مهند وكل شلته أمنجيه "شلة محمد المصرى " وشغالين مع الداخليه خلونى برضو احكيلكم قصة الشله دى تحديدا اللى معروفه من زمان بس كان ترجمتها عندى انهم شوية اوساخ من مرتزقى الثوره وبس مش بلطجية الداخليه والدوله !
الشله دى هيه اللى بتقفل وتسيطر ع الميدان بداية من اعتصام يوليو 2011 , لكن الأمر تطور لأبعد من قفل الميدان , العربيه اللى بتدخل بتدفع اتاوه واللى بتخرج بتدفع اتاوه ده غير الجراج مدفوع الأجر ع حدود الميدان المقفول ده غير ان كل المحلات اللى فى الميدان وحواليه بتدفع اتاوات وكذلك الباعه الجائلين ,مش عاجيك تتضرب ومحلاتك تتكسر ويتضرب عليك خرطوش وممكن توصل للتعذيب والقتل وكل ده حصل ! وكل حاجه موجوده فى الميدان الحمد لله من خيم التعذيب للخيم الحمرا للحشيش للبرشام للخمره كله موجود وبيتباع فى قلب الميدان ,, الناس بتتثبت ورا عمر مكرم وفى يوسف الجندى وعبد المنعم رياض وتتقلب فلوسها وموبايلاتها ...وكل تحت ادارة حماة الميدان.
دى صوره من قلب خيمه فى الميدان لمحمد المصرى -اللى قدام اللى ماسك سلاح- وأخرون من شلته

      ____________________________________________________________

نرجع تانى للحكاية الاولانيه بتاعت محمد محمود فى الوقت ده بدأت حاجه جديده تظهر وهيه محاولة استقطاب ناس جديده لشلة الأمنجيه بس محاولات الأستقطاب جت بقى من اللى مشغلينهم مش منهم , بيعرضوا على الشباب انهم يجيبولهم سلاح ويدربوهم عشان يجبوا القصاص بقى وكده , وطبعا تبقى دراع جديد للحكومه
..المشكله الأكبر فى العرض المشكله فى اللى "مشغلينهم" دول بقى مين ؟؟ أقولك أنا دول ظباط 8 أبريل
محمد طارق الوديع الواد الحليوه الجينتل ده اللى بيحاول يستقطب الشباب مضاف ليه رفقاءه تامر بدر وأحمد شومان اللى بيدخلوا معاه الأشتباكات بدروعهم العسكريه الواقيه من الرصاص وسلاحهم العسكرى يضربوا ع الطرف التانى كام طلقه يموتوا كام واحد ويجروا 
 ويسيبونا فى المواجهه زى أحداث عبد المنعم رياض الأخيره اللى ظهر فيها وديع وتامر بدر واحمد شومان وصديقهم الصدوق فياض   بيضربو نار ع الاخوان لدقايق واختفوا بعدها وناس كتير شافوا الكلام ده , ودى الهجمه اللى وقع فيها ناس كتير وحوالى 6 ماتوا ,لكن لما ده حصل كانوا الأساتذه اختفوا
دى صورة لوديع وفياض

وظهر وديع تانى فى احداث النصب التذكارى (مذبحة رابعه ) وبرر ده بأن الاشتباكات كانت تحت بيته " ده مبرر انه ينزل بسلاحه يقتل فى الناس" ! وشافه اكتر من حد وهوا بيضرب نار بسلاح ميرى وواحد واقف جنبه بيلم الفوارغ


وده نهج متبع ليهم هما والشله اللى مشغلينها اللى لبسونا حاجات كتير زى أحداث سيمون بوليفار الأولى اللى مات فيها أحمد نجيب واللى بتتحول فيها الأشتباكات لمصايد
بالأضافه لظهور شومان ووديع وتامر بدر اللى بقى متكرر فى الميدان ومع الشله دى ظهر كمان فؤاد الدسوقى -احد ضباط 8 ابريل- مندس وسطنا ولأن محدش يعرف شكله محدش عرفه لكن تصادف فى يوم وجوده مع وجود شخص يعرفه كويس لما الظابط شافه قام سلم عليه واختفى بعدها , وده يخلينا ندور على عمرو المتولى لأن كده الحبايب كلهم موجودين

1-محمد وديع -2-احمد شومان -3-تامر بدر -4- عمرو المتولى -5- فؤاد الدسوقى

وكل دول رجعوا الخدمه أصلا بعد قصة الأنشقاق بتاعتهم 
زى تامر بدراللى مااتفصلش من الجيش اصلا 

وكل واحد منتمى للجروب ده هوا منهم , فاكرين المجند سيد ماضى اللى ولولنا عليه كتير بسبب حبسه عشان كان بيغنى اغانى ثوريه داخل معسكر الجيش ؟؟! واحد من بلطجية الميدان 
ودى صورته مع واحد من شلة الامنجيه

1-مهند سمير -2-سيد ماضى
__________________________________________________________________

أحداث المنصه :-

هنا تبدأ بلطجة شلة الأمنجيه فى الظهور بقوه .. اجتماع قبل الاتفاق ع فض اعتصام رابعه بقوة الأهالى "التاج في البوست والكومنت فيه أغلب الجروب " 

وده لينك من الصفحه بتاعتهم بيفسروا ليه ماتمش فض الأعتصام https://www.facebook.com/photo.php?fbid=516293888425233&set=a.516293355091953.1073741828.516279831759972&type=1

بعد الحوار ده بشويه جت أحداث المنصه ,اللى لما ناس اتكلمت وقالت كنتوا هناك وفى صفوف الداخليه قالوا مكناش وماشوفناش 
دى لينكات البوستات اللى كانوا بينقلوها من هناك وفيها كمان بوستات قبل الاشتباكات من اساسه بيحذروا فيها اهالى رابعه

بعد كده قالوا اه كنا بس انسحبنا , ونزلوا البوست ده 
"لاحظ التاج فيه محمد وديع "
              ___________________________________________________________

وده كان رد واحد منهم 

ودى شهادة "جو الأسطوره" عن احداث المنصه (مجزرة رابعه)


وبعد كده بدأوا يبعتوا تهديدات صريحه للولد اللى كان محبوس قبل كده فى قضية البلاك بلوك "جو الأسطوره" عشان شافهم هناك وكتب عنهم 4 تويتات !!!!!!!!!!!!
ده لينك شهادته ع الأحداث http://storify.com/MrJoeElostar/story?utm_campaign=&utm_source=t.co&awesm=sfy.co_pBT8&utm_medium=sfy.co-twitter&utm_content=storify-pingback
                    ___________________________________________________________
ودى بداية التهديدات ليه :

 ده أسلام موكا , ولمن لايعرف اسلام موكا انصحه بقراءه التويتات اللى فى اللينك ده http://topsy.com/s?q=%23%D8%A7%D9%84%D9%86%D8%B5%D8%A7%D8%A8&window=a أو ادخل ع هاشتاج #النصاب على تويتر واتفرج براحتك

                            _________________________________________________________





خايفين ليه من جو للدرجادى ! عشان 4 تويتات ولا عشان التويتات دى فضحتهم !! 
الحوار ماانتهاش لغاية كده , دول بداوا يلفوا ويدوروا فى ان دم عيسى فى رقبة جو وان ذنبه فى رقبة جو و... و.... !!



ده كله لايرقى من درجة الهرى الا لدرجة انهم بيحاولوا يغطوا على حاجه تانيه أقولكوا ايه هيه 

الصوره دى معبره جدا واللى لاقطها فنان
أبو تيشرت احمر وبنتاكور كروهات ده واحد من اولتراس ثورجى وأغلبكوا عارفه بس مش ده المهم . المهم الحليوه أبو shotgun ده بقى يبقى مين ؟ أقولكوا أنا بصوا فى الصوره ده كويس 


اه هوا طارق , واللى جنبه ده أشرف شريف "شيكو" اللى كان بيبعت التهديدات لجو الأسطوره

دى صور تانى لطارق بالسلاح فى ايده


وده فيديو كمان لطارق بس المره دى من غير سلاح , المره دى بيشاور للظابط  المسلح على حد فى الطرف الاخر "حتما الظابط ماكنش بيصطاد بط "
"ركز فى الفيديو بيظهر بعد الدقيقه التانيه"

ودى صوره تانيه للولد ابو تيشرت احمر مستخبى ورا احد الظباط المسلحين 

ودى صوره لواحد تانى من اولتراس ثورجى بنفس المشهد تقريبا مستخبى ورا الظابط المسلح 

هوا ده اللى مستخبى ورا الظابط "ابو تيشيرت بيج" وده الاكونت بتاعه "ياسر زهره" https://www.facebook.com/photo.php?fbid=112067965668345&set=pb.100005954255668.-2207520000.1376198029.&type=3&theater

والفيديو ده بيوضحلك وظيفته بالظبط مع الظابط المسلح 


              _______________________________________________________________

الشهيد الفنان/عيسى عصام
عيسى عصام المصرى .. كان رسام عظيم فى رابطة فنانى الثوره ... مالوش أى انتماء غير للثوره ولدم الناس اللى ماتت ... عيسى نزل يشوف ايه الحقيقه فى رابعه ... نزل يشوف مين بيقتل مين .. عيسى خد رصاصه فى ضهره واستقرت فى قلبه 

من قتل عيسى :-

من قتل عيسى ؟؟!!! أقروا البوست ده كويس وركزوا فى التعليقات  وعشان دول أكتر 350 كومنت فركزوا فى الصور دى 
البوست : https://www.facebook.com/a7mad.esam/posts/570936302948668



















نكتفى بهذا القدر ....
ملحوظه : فى بوستات من دى اتمسحت قبل مالبوست "البلوج"  ده يتنشر أصلا وفى بوستات هتتمسح بعد مايتنشر عشان كده اخدت كل البوستات اسكرين شوتس زى ماهى فى البوست كده
.. البوستات اللى ليها خلفيه متلونه اتاخدت من ع فيسبوك مطبق theme وكان صعب الرجوع ليها تانى او اتمسحت "عشان محدش يستغرب "


في

هناك 135 تعليقًا:

  1. Unknown11 أغسطس 2013 في 2:13 م

    أزال المؤلف هذا التعليق.

    ردحذف
  2. Unknown11 أغسطس 2013 في 4:11 م

    مينفعش تكتفى بهذا القدر لازم تكملى وربنا معاكى

    ردحذف
  3. الطائر الأزرق11 أغسطس 2013 في 4:39 م

    كلام خطير ولازم الكل يتفضح دول بقوا شوكة فى ظهر الثوار اللى اغلبهم اصلا بيحبوهم

    ردحذف
  4. Sherif Elsirfy - شريف الصيرفي11 أغسطس 2013 في 4:47 م

    بغض النظر

    بتوع المبادئ لا تتجزأ بقا بيقولك إيه . انا نازل رابعة عشان يسقط يسقط حكم العسكر . ونسي إن إلي في رابعة هما إلي كرموا طنطاوي

    ردحذف
    الردود
    1. Unknown12 أغسطس 2013 في 5:19 ص

      إذا كان الإخوان غلطوا فنقدر نتحاسب معاهم و نتصافى
      لكن العسكر!!!!!!!!!!!!!!!!!!!!!!!!!!

      حذف
    2. Unknown12 أغسطس 2013 في 5:35 ص

      كرموا طنطاوي إيه بس ؟ إنت لسة مفقتش؟ طنطاوي كرموا العسكر غصبن عن عين التخين في البلد حتى الاخوان لان العسكر هما اللي بيحكموا و اللى بيقولوا لازم يتنفذ. يعني إنسوا حلم الثورة اللي عمره ما كان حقيقة.. إصحوا بقى يا بقر

      حذف
    3. Unknown12 أغسطس 2013 في 5:52 م

      مفيش حاجة اسمها ان العسكر هو اللي كرمهم غصب عن عين التخين لا طبعا محمد مرسي هو اللي كرمهم لانه هو رئيس الجمهوريه ف الوقت ده وبمزاجه مش عافيه لان ابسط حاجة لو هو هما كانه هيفرضوا عليه كده وعافيه زي ما بتقول كان هيطلع يقول ف اي خطاب من خطاباته انه بيواجه ضغوط شديده جدا من قيادات الجيش ورموز الدوله انه يخرج المجلس العسكري خروج امن ويكرمهم وانه بيرفض كده وبيعلنها صريحه للشعب كان ساعتها بقى كل الشعب هيحترمه وهيقدره وكمان محدش كان هيقدر يعارضه ولا حتى الجيش نفسه وكانت هتتم محاكمه طنطاوي وعنان وكل قيادات الجيش بس هو اللي سكت بمزاجه وكرمهم بمزاجه يا اما صفقه يا اما لو كانوا فعلا هددوه يبقى هو كرمهم عشان خايف على مصلحته وخايف على كرسيه

      حذف
    4. Unknown13 أغسطس 2013 في 5:10 ص

      بعد 3-7 -2013 المفروض الكل يعرف ان مرسى كان رئيس بجد وعنده حكمه الاب الى بتخليه سعات ابنه يرفع صوته عليه وميجسبوش لانه عارف ان ابنه ده مش متربى كان ممكن يتقتل مرسى او يتعمل الانقلاب من زمان بس هو اختار الحل الاسهل للبلد مش لنفسه لما وافق على ان طنطاوى يتكرم ويقعد فى البيت احسن مكان مرسى يتسمم السم الاسرائيلى ويقولو موته ربنا وساعتها كان العسكر هيقعد تانى وكان بقا لا دستور ولا مجلس شورى ولا رئيس ولا نيله فكان مرسى مجبور والدليل انك شفت مرسى وهو بيكرم زوجه الشزلى الله يرحمه و مشفتوش وهو بيكرم طنطاوى صح ؟

      حذف
  5. غير معرف11 أغسطس 2013 في 4:58 م

    مجموعة من البلطجية والمأجورين يتحكمون بمصير امة

    ردحذف
  6. Sherif Elsirfy - شريف الصيرفي11 أغسطس 2013 في 5:10 م

    أزال المؤلف هذا التعليق.

    ردحذف
    الردود
    1. Unknown12 أغسطس 2013 في 5:23 ص

      المصيبة إن ناس من أقرب الناس ليه عملوا فيه كده
      الناس دى معندهاش وفاء لحد؟؟؟؟؟

      حذف
  7. Unknown11 أغسطس 2013 في 5:13 م

    ده فيديو يظهر فيه طارق بوضوح

    http://www.youtube.com/watch?feature=player_detailpage&v=aACItOT0-Ew

    ردحذف
  8. Unknown11 أغسطس 2013 في 5:20 م

    يا معرصين يللي بعتوا دم الشهدا وفشختوا الثورة افضحوهم

    ردحذف
  9. Unknown11 أغسطس 2013 في 5:25 م

    مكمليييييييييييييييييين الثورة
    داخلية بلطجية
    حسابكم قريب والمشانق ستعلق

    ردحذف
  10. Dream game development11 أغسطس 2013 في 5:40 م

    الاتنين ولاد وسخة الي بيضرب مع الداخلية و الي بينزل مع الاخوان

    ردحذف
    الردود
    1. جعيـــــــصــه12 أغسطس 2013 في 5:33 ص

      طيب وفين الحق من وجهة نظر سعادتك

      حذف
    2. Karishma Nasr28 أغسطس 2013 في 12:52 م

      الحق احق ان يتبع . كل واحد قدامه الحق ويختار طريقه براحته

      حذف
  11. bad kimo11 أغسطس 2013 في 6:06 م

    يا نهاار اسود..ولا حد كان فاهم حاجة..بالمناسبة انا بقدم حياتي فداء للراجل جو الاستورة..لو حابب أكون بودي جارد ليه ..وجاري جمع معلومات عن أشرف شريف "ولن لاقيته لا يفارق سوادي سواده حتي يكون قاتلي أو قاتله..المجد لكل مصري اصيل زي جو الاستورة والعار لكل الاومنجية..والله غالب علي امره ولكن اكثر الناس لا يعلمون..الصبر

    ردحذف
    الردود
    1. i know more than u know12 أغسطس 2013 في 4:15 ص

      (Y)
      asly

      حذف
    2. خلق يفترس12 أغسطس 2013 في 10:24 ص

      wana m3aaaaaak

      حذف
    3. mahmoud13 أغسطس 2013 في 6:12 ص

      من قراة هذا الحدث لاحظو ان واحد فيهم قال له انا نازل عبدين وباريت تقبلني مش هذا يعني انه من عابدين

      حذف
  12. Mosha L Egy11 أغسطس 2013 في 7:12 م

    أزال المؤلف هذا التعليق.

    ردحذف
  13. Mosha L Egy11 أغسطس 2013 في 7:15 م

    بسم الله الرحمن الرحيم
    اولا مش هاقدر اتكلم عن ولا واحد من اللي تم ذكرهم هنا لأن كل واحد يقدر يتكلم عن نفسه كويس لكن انا اللي اقدر اقوله اني لو كنت بعت نفسي او بعت القضية اقسم برب العباد وهذا قسم احاسب عليه ليوم الدين اني هاعتبر الثورجي الحقيقي اللي يقتلني هو بطل لأني لو بقيت خاين ابقي شخص لا يستحق الحيــــاه او ذكره كثائر.
    سيد ماضي سيد

    ردحذف
  14. Unknown11 أغسطس 2013 في 7:25 م


    https://www.facebook.com/almo2yeda لكل مؤيد للدكتور مرسى والشرعية
    اعمل لايك للصفحه دى وتعرف على كل الاحداث التى يمر بها المؤيدون للرئيس محمد مرسى فى كل انحاء الجمهورية اول باول
    (y) (y) (y) (y) (y) (y) (y) (y) يلا بسرعة لايك للصفحة (y) (y) (y) (y) (y) (y) (y) (y) (y)
    ولكم جزيل الشكر والتقدير لدعمنا

    ردحذف
  15. Unknown11 أغسطس 2013 في 7:32 م

    مع احترامى لكل الناس اللى علقت لكن شوية العيال دول هما اللى هيحددوا مصير البلد ياناس دى دولة عظيمة قائدة امة عربية واسلامية لا يحكمها الا فصيل قوى تنظيميا واداريا وشعبيا وماديا وفى توازنات كتير صعبة علينا احنا كأفراد وهناك كثير من التوافقات لكى تسير الامور والاخوان ليسو بشياطين ولا فاسدين ومش هيبيعوا البلد يكفى نقل تنظيمهم وحسن ادارتهم الى مؤسسات الدولة دون سرقة او بيع يكفى انهم الاقد والاقوى على التصدى للحزب الواطى وفلوله والدول الاعبة فى المشهد احنا كمجموعة شباب لا نستطيع ان نفعل ما يفعله التظيم والاخوان من السهل اصلاحهم اذا اخطأو الطريق ولكن ليس الآن لان الوقت وقت تفتيت للنظام القديم وليس وقت توزيع مغانم او تمكين شباب وحرام قتل الناس بغير ذنب والله حرام وكلنا هنسأل عن اللى بيحصل انا عندى الاخوان افضل واشرف وانزه من الفلول والعسكر ومحدش غيرهم هيقدر على كل دول الانظمة لا يسقطها الا انظمة الغوائية والعشوائية لا تسقط نظام حطو الكلام ده فى راسكم كويس وافتكروا ايام الثورة مين اللى فرق فيها بنظامه

    ردحذف
  16. Rolling Ball11 أغسطس 2013 في 7:36 م

    أرجوووكم وثقوا كل هذه الأمور ألولا بأول
    لازم تتم محاكمة كل هؤلاء اللي تورطوا فقتل الشهداء والتحقيق معاهم وكشف كل أفراد العصابة البلطجية

    ردحذف
  17. peko11 أغسطس 2013 في 7:38 م

    اصحاب الحق ماتوا وطلع على اكتفهم شويه الامنجيه على كتوف رجاله وحطوا اديهم فى داخليه وسخه وهينسوا حق الناس اه انا كنت مع انى اصبر عالداخليه لحد ما تخلص اللى فأديها عشان اخد حقى منهم بس احط ايدى فى ايدهم الوسخه لا ميدان التحرير هينضف قريب اوى يا شويه اوساخ#المجدللشهداء ولم يفكروا ببيع مبادئهم داخليه عاهره والامنجيه اوساخ
    #مش_ناسيين_حقهم وجى قريب من داخليه وامنجيه

    علنى وهقولها سيتم تنضيف ميدان الشهداء ميدان الرجاله من كل من خان امنجيه وداخليه

    انتهى الكلام وماااااااااااااااااااااااااااااااااااااااااااااااات

    ردحذف
  18. Unknown11 أغسطس 2013 في 7:41 م

    ايه ده احنا فين دول مش ثوار دول عصابات منهم مأجور ومنهم متساق بكراهية الاخوان وخلاص ربنا يهديهم

    ردحذف
  19. hesham salem11 أغسطس 2013 في 7:45 م

    الله عليك

    ردحذف
  20. Unknown11 أغسطس 2013 في 7:46 م

    أنا .. في حياتي لم أدخل خناقه بسلاح .. لا حي .. ولا أبيض .. ولا حتى دخلت خناقه فيها الكلام ده ..
    من اول يوم انزل قدام الداخليه وانا بشوف الموت ... مفكرتش أقف مع مجموعه .. ولا استنى حد يقولي روح هنا ولا تعالى هنا .. كنت ومازلت بنزل في الغالب لوحدي وسايبها على الله سبحانه وتعالى ..
    لكن كم الحقائق اللي شفتها دلوقتي .. على قدر ما فاجئتني .. على قدر ما ريحتني .. وافتكرت حالة الغباااااااااااااااء اللي كنت فيها مش فاهم الناس بتضرب فينا ليه بالشكل ده .. لما كنت بتف الدم من بقي وابصله وهو مالي ايدي وكل هدومي ..
    أنا كده كده كاتب وصيتي .. وكده كده باتشاهد كل يوم وانا نازل .. من أكتر من سنتين وكلي يقين اني لحد ما أموت .. هافضل عايش بالسلميه .. وعلى السلميه لحد ما ربنا سبحانه وتعالى يكتبلنا النصر .. لكن بعد الكلام ده .. عرفت إن بالفعل اللي هايقابلني ويقتلني من الناس دي .. هاتلفت بعدها ويضحك بمنتهى الإستمتاع .. ببساطه كده كأنه فرقع كيس شيبسي .. أحب أقوله .. اوعى تستعجل الفرحه الكدابه .. لو ربنا كتبلي الشهاده على ايدك .. بإذن الله وحده هاخدك واللي هاقدر اجيبه منكم معايا ..
    عمري ما كنت اخوان .. بس لو هاتستحلوا دمي علشان بنزل معاهم .. يبقى دمكم علي حلال ..

    ردحذف
  21. Unknown11 أغسطس 2013 في 7:55 م

    نكتفي بهذا القدر ازااااي ؟؟؟؟
    انا مذهول !! حتى ضباط 8 ابريل !!!! ده شويه كمان و كنا هنعرف مين اللي قتل عماد عفت بالاسم !

    ردحذف
  22. Unknown11 أغسطس 2013 في 8:03 م

    على فكره مصري معروف انه امن من زمان و معرف ان البلاك بلوك امنجيه و اللي عاملهم مصرى عشان يستدرجو الشباب اللى بينزلو الاشتباكات دايما و يسلموهم و لو حد فكر للحظه هيلاقى ان مصرى كان بيجمع البلاك بلوك فى وسط الميدان بالاسلحه و يحركهم و مع ذلك ما اتقبضش عليه

    ردحذف
  23. غير معرف11 أغسطس 2013 في 8:03 م

    ده بقى حال الثوار؟؟؟؟؟؟

    يلعن ابو كده يقتل صاحبه علشان مختلف معاه وهو عارف انه مش اخوان

    ردحذف
  24. Zodiac11 أغسطس 2013 في 8:09 م

    يا جماعة انتوا بتركزوا على السطحيات وسايبين المصيبة الكبرى المصيبة انه برغم فساد مبارك وعصر مبارك اللى دام 30 سنة انا عمرى لا سمعت ولا شوفت اللى شايفه ده والانقسام الكبير اللى اصبح فى شعب مصر على فكرة هوه ده هدف اسرائيل وامريكا زى ما عملوا فى السودان بس خطتهم فشلت والحمد لله بس اثارها لسه موجود وممكن يتسغلوا الانقسام ده للوصول لهدفهم يا جماعة انا دلوقتى لو بتكلم مع صديق محترم اخوانى بيقولى انت واحنا نهار اسود كأننا من بلاد مختلفة بصوا انا عارف ان الداخلية يدها ملوثة بالدماء فى شارع النصر وبغض النظر عن الانتماء السياسي للضحايا فدم المسلم حرام بس ده مينمنعش ان كان فيه بعض رجال الاخوان مسلحين وهذا ما تسبب فى الكارثة ثانيا للأسف الشعب المصري لا يعرف معنى الديموقراطية ومنذ ثورة 25 يناير والشعب معتقد ان اى شيء مخالف للقانون هو الديموقراطية وضع تحت ذلك البند امتلاك الاسلحة وحالات الاغتصاب و التحرش السرقات وجرائم القتل التى لا تعد ولا تحصى والجثث التى ليس لها هوية المنتشرة فى انحاء البلاد لالالالالالالالالالالالالالالالا والف لالالا هذه ليست ديموقراطية هذه همجية ومن اجل تلك الهمجية انا اؤيد حكم العسكر حتى تعدو البلاد لأستقرارها ثم انا ارحب برئيس مدنى منتخب ولا تنسوا انا تاريخ مصر كله من اول ما وجدت على وجه الارض كلها حكم عسكر وراجع التاريخ من اول الفراعنة حتى السادات وشكرا

    ردحذف
  25. Adonis11 أغسطس 2013 في 8:44 م

    مش قادرة أصدق إن في ناس بتتعامل مع الإخوان كأنهم حيوانات أو أقل كمان ولازم يُبادوا !!
    والمستفز إنهم بيستشهدوا بآيات قرآنية وعاملين فيها مسلمين !!
    هم دول ثوار التحرير!! ياخي ........
    كل واحد قتل أو حرض على القتل أو حتى ساكت عليه يستنى عقابه في الدنيا قبل الآخرة ..
    والأشكال الوسخة دي لو فاكرين إنهم مش هيتحاسبواأو هيقدروا يهربوا .. عند أمهم
    هتتجابوا واحد واحد وهتتعلقوا في الميادين يا أوسخ من أنجبت مصر ..



    ردحذف
  26. Unknown11 أغسطس 2013 في 8:52 م

    الله الوكيل اللي عامل الموضوع دا حد محترم جدا وانا شخصيا يشرقني انه يكون صديقي لاني هتعلم منه كتير فياريت لو سمحلي وتواضع ان يقبل اضافتي ع الفيس بوك:
    https://www.facebook.com/profile.php?id=100002660224256

    ردحذف
  27. بيبو11 أغسطس 2013 في 8:58 م

    أزال المؤلف هذا التعليق.

    ردحذف
    الردود
    1. الخريف11 أغسطس 2013 في 9:59 م

      يا ريت تنشر كل حاجة توضح الحقايق لو عندك

      حذف
  28. Unknown11 أغسطس 2013 في 9:39 م

    والله اللى بعرف الكلام ده وميفضحش الناس دى يبقى مشترك معاهم أين أنتم ياشباب الثورة

    ردحذف
  29. hassan11 أغسطس 2013 في 9:56 م

    وما خفي كان أعظم

    ردحذف
  30. الخريف11 أغسطس 2013 في 9:56 م

    لخبطة

    ردحذف
  31. عماد مسعود11 أغسطس 2013 في 10:00 م

    http://eldonianews.com/news/?p=30804

    ردحذف
  32. mostafaragheb.blogspot.com11 أغسطس 2013 في 10:11 م

    أولا تحية للمجهود التوثيقى الممتاز ... ثانيا ...فعلا الاشكال اللى زى دى هى الخفافيش اللى لزقت فى الثورة عشان تمص دمها وتبيعه لاى حد يدفع أكتر او أى انتفاع .... الله يرحمك يا عيسى .... بصوا أنا مش من عادتى انى أتحول لبلطجى واسلوبى ومبدأى سلمى لكن بسبب اللى حصل واللى بيحصل واللى لو سكتنا تانى هايحصل .. والله ما هاسكت ... جو الاسطورة صاحبى وعارفه جدع واللى داق الظلم مش هايرضى يسكت عليه ... ايوة اختلفنا مع الاخوان لكن ما بنستبحش دم حد .. واللى بيحصل ده اساسا تأصيل للى جاى بعد كدة .. الدور جاى علينا ... انا من دلوقتى هحاول أجمع الشباب الثورى النضيف .. اللى جواه نضيف .. ونحاول نبقى كتلة فى وش أى كلب اتحسب ع الثورة وهى الثورة من أشكاله بريئة .. وهاقف مع جو برضه لو احتاج مساعدة .

    ردحذف
  33. Unknown11 أغسطس 2013 في 10:16 م

    اشكر كل من ساهم فى هذا المنشور ويا رب ميكنش فوتوا شوب او فبركه وربنا يوفقك

    ردحذف
  34. Unknown11 أغسطس 2013 في 10:31 م

    ينهار اسود للدرجه دي الخونه مابينا

    ردحذف
  35. مدونة عالم من الخيال11 أغسطس 2013 في 10:43 م

    الله عليكي يا أستاذة مستنين الجزء الثاني

    ردحذف
  36. jasmin horizon11 أغسطس 2013 في 11:20 م

    الملخص ان الامن اخترق الثوار وضعاف النفوس باعوا نفسهم واصبحوا وبال على الثوره ..طيب والله انا كنت عارفه ان كتير ممن يدعون الثوريه هم عملاء للامن والمخابرات وللاسف كانو السبب فى الكارثه الللى احنا فيها وضيعوا البلد والثوره من اجل مصالحهم الشخصيه
    الا لعنة الله على كل خائن..الا لعنة الله على كل خائن..الا لعنة الله على كل خائن

    ردحذف
  37. Unknown11 أغسطس 2013 في 11:33 م

    لا حولة ولا قوة الا بالله .. هيا وصلت لكده . تقتل اخوانك واصحابك علشان ايه بس .وانت عارف انهم مش اخوان كل ده ل اختلافه في الراي معاك

    ردحذف
  38. الصــــــــقر الجــــــــــارح11 أغسطس 2013 في 11:34 م

    والله ما إنصدمت ولا زهلت .... لانى كل ده كنت متوقعه جدا .... ولكن فيه شئ مهم بعيد عن الثورة وعن مين هما الثوار ومين اللى نزل ونزل ليه .... كلكم ناسيين شئ مهم جداااااااااااااا .... انى دلوقتى فيه إهانة للإسلام وكل يوم بيمر بنتأكد من ده .... وعجبنى الأخ اللى قال إنى الإخوان أكثر تنظيماً وهما اللى يقدروا يقفوا أمام الحزب الوطنى والفلول وكل النظام السابق .... وفعلاً برغم إختلافى مع الإخوان إلا إنهم عملوا نظام جديد وحاولوا يديروا البلد بدون فساد أو رشوة وكانوا بيحاولوا يحققوا العدالة الإجتماعية .... يا جماعة من ذاق الظلم إستحالة يبقي ظالم .... إحنا المفروض نكون مع الشرفاء اللى عاوزين الخير للبلد واللى مقدرين الثورة بجد ... ولو عندنا إعتراض على حد فى الإخوان نطلب كلنا إقصاؤوه من الإخوان .... ونطالب أكثر بوجود الشباب والثوار الحقيقين اللى خرجوا من أجل الحرية ومن أجل مصر .... وتأكدوا إنه لو ده حصل ... البلد هتبقي أحسن ..... يكفينا إننا عشنا سنة من الحرية ومن الكرامة فى عهد مرسي ما عشنهاش من سنين .... الموضوع عاوز بعض التعديلات والوعود من الإخوان ومشاركة فعلية من الثوار معاهم ... وهما أشرف من أى حد فى النظام السابق .... وياريت بنهاية كل الحوار والأدلة اللى ظهرت للجميع .... إنكم تعيدوا ترتيب أوراقكم وتتكاتفوا .... إرموا المشاكل على جنب وبصوا للبلد اللى بتضيع وبصوا للإسلام اللى بيتهان .... الإخوان أسهل إنكم تتعاملوا معاهم وتتفقوا وتتوحدوا لانى فيهم كتير جدااااااااااا شرفاء ومستعدين لنبذ اى واحد ممكن يسيئ ليهم ... اما الداخلية والفلول والنظام السابق والله ما هتلاقوا منهم غير القمع والذل والإعتقالات أو التصفية .... وخدوا بالكوا من كلمة ( التصفية ) حتى لا يقاسمهم أحد ويمتلكوا كل شئ وده اللى إنتوا عارفينه كويس ولكن واهمين أنفسكم .... أتمنى أن تجلسوا مع بعض وتعيدوا ترتيب أوراقكم وتتفقوا مع الإخوان وتتحدوا حتى تعود إلينا مصر

    ردحذف
    الردود
    1. Unknown13 أغسطس 2013 في 7:12 ص

      الله يفتح عليك أنا دخلت قرأت الصفحه بالصدفه لأنها شدت أنتباهى والله لا ليا فى سياسه ولا فى أحزاب ولكنى بحترم كل شخص له رأى معتدل فيه مصلحة البلد كل تيار أو فصيل له ميزات وعيوب المهم إنك تكون قادر أن تتعامل معه وللعلم مهما كان الفصيل عيوبه مش عجباك لكن لو عنده ذرة إيمان ونزاهه وشرف ومش حرامى تأكد إنك هتقدر تتعامل معاه وتوصل معاه لحل.. الأخوان أعتقد أنهم حاليآ تعلموا الدرس جيدآ ومازالوا يتعلمون وهذه هى الفرصه التى لو قدر الله ورجعت مصر لعهدها الحلو بعد وصول د.مرسى للحكم مهما كانت أخطاؤه فهم كانوا فى بداية المشوار لورجعت الأمور كما كانت ستستطيع التعامل مع الاخوان لأنهم تعلموا الدرس من وجهة نظرى جيدآ ... إختلف مع من شئت ولكن لاتجعل الدم يكون هوا الحل فحرمة الدم معلومه للجميع كلنا مصريين حتى مع من نختلف معهم ومايحدث بيننا ليس لصالحنا بل لصالح أعداء لنا فى الداخل والخارج....أدعو الله أن يصلح أحوال بلدنا العزيزه مصر فهى لكم ياشباب وليست لمن تخطى سنه الخمسين والستين ربنا يحميكم ويبارك فيكم إتحدوا تكاتفوا ضد الظلم والقهر والعبوديه وبعد الانتهاء من ذلك تصافوا فيما بينكم من خلافات بسيطه دنيويه وليست للأخره فأتركوا الدنيا وركزوا فى عقاب الأخره

      حذف
  39. Unknown11 أغسطس 2013 في 11:41 م

    اصلى
    بسم الله الرحمن الرحيم ( ويمكرون ويمكر الله والله خير الماكرين ) صدق الله

    ردحذف
  40. Unknown12 أغسطس 2013 في 12:00 ص

    لو كل اللى انتى كاتباه ده صح تبقى كارثة ويبقى الامن فعلا خلاص اخترق الثوار وعليه العوض ومنه العوض

    ردحذف
  41. Unknown12 أغسطس 2013 في 12:07 ص

    اه ياشوية كلاب .. إقترب موعد الحساب

    ردحذف
  42. أحمد العزيزي12 أغسطس 2013 في 12:08 ص

    إستمري الله يوفقك

    ردحذف
  43. مسجل خطر12 أغسطس 2013 في 12:09 ص

    حير انشاء الله طول عمرى كنت بشوف حاجات زى دى فى الميدان خاصه لما بيبقى العدد قليل كنت عارف ان بتوع الشاى والبياعين مرشدين للحكومه ومدورين برشام وبانجو ودعاره لكن ما كنتش متخيل ان فيه تنظيم وسخ كده كنت عارف ان فيه بلطجيه من عابدين بينزلو مع الداخليه فى محمد محمود ويضربو علينا نار وخرطوش لكن ما كنتش اعرف انهم موجودين داخل الميدان ....احنا شعب طيب لكن الطيبه قلبت بعبط دا انا ليه اصحاب ماتو وكنت فاكر ان الامن بس هو اللى مسئول لكن الاشكال اللى عرفتها دى كل ما انزل الميدان حدور عليهم ومعايا حبايبى وليهم عندنا كل خير انشاء الله

    ردحذف
  44. B*N*W12 أغسطس 2013 في 12:19 ص

    أنا مش قادرة اصدق بجدانا حاسة ان الدنيا كلها اتقلبت قدامي...................
    هوا إيه الي بيحصل دة

    حسبنا الله ونعم الوكيل

    ربنا يفضحهم كمان وكمان

    ردحذف
  45. ragab12 أغسطس 2013 في 1:02 ص

    شهادة حق اتحاسب عليها يوم القيامة.. كل كلمة فى البوست ده كدب وتضليل وفى عبارات على اقل تقدير تندرج تحت بند حق يراد به باطل.. كل الاسماء اللى فى البوست اعرفهم كويس واقل واحد فيهم اتصاب مرة واتنين فى المواجهات قصاد الداخلية وومهند سمير اتحبس 6 شهور وقعد 6 شهور لما خرج بين الحياة والموت كل الأسماء دى بلا استثناء ما بين مصابين وناس اعتقلت ظلم فازاى يبقوا أمنجية..الأمنجى أو العميل يا أستاذ يا مفتح لا يمكن تعرف إنه أمنجى.. ثم هم أمنجية لحساب مين؟ أقولك انا لحساب مين.. الولاد اللى انفصلوا عن التحرير وراحوا قعدوا فى رابعة مش قادرين يتجاوزا أزمتهم النفسية مع طنطاوى وعنان وفى نفس الوقت عارفين ان قعدتهم مع الاخوان غلط فطول الوقت بيبرروا لنفسهم عن طريق شتيمة وسب اللى لسه فى التحرير.. زى الاستاذ اللى كاتب البوست ده ما بيعمل بالظبط..

    ردحذف
    الردود
    1. Unknown12 أغسطس 2013 في 7:32 ص

      ragab, ana mashoftesh 7ad shatam fe bto3 al-ta7rir, de nas bete7ki kesas wake3iah homa 3ashoha. sa7bak katal sa7boh ya ragab afandi

      حذف
    2. Unknown12 أغسطس 2013 في 8:04 م

      اتفق مع الأستاذ رجب رغم عدم معرفتى بأى شئ عن الموضوع الا من خلال هذا البوست ولأننى على علم بقذارة الإخوان وفساد النظام السابق
      الا اننى متعاطف معهم فيكفيهم شرفاُ انهم يدافعون عن الثوار اللذين لايعرفون القتال ضد من لايتعاملون الا بالعنف و النار ... وصاحب البوست هو سبب هذا التعاطف
      فيكفى أى زائر له أن يدخل على لينك صفحتهم ( كتيبة المشاغبين )
      https://www.facebook.com/Hooligans.Battalion.12?directed_target_id=0
      عشان يعرف انه رغم أخطائهم الا انهم برضه وطنيين وعندهم مبادئ
      أما المغرضيين و المتلونيين فهم من عاشوا طوال 80 سنة فى الظلام ولايدرى أحد الصديقين أن الأخر ( إخوانى ) .. هؤلاء هم خفافيش هذا العصر
      و الخفافيش لا يستطيعون الحياة فى النور .
      تحية لكل صاحب مبدأ و يدافع عنه .. تحية لكل من يدافع عن هذا الوطن ...
      وللعلم
      لى سؤال لصاحب او صاحبة هذا البوست
      مَن مِن المصريين نفذ من مقصلة التخوين التى نفذتها ( ثوار - ضباط - 6 ابريل - بلطجية ) ؟
      لم ينجو أحد ...
      إتقوا الله .. انا شامم ريحة اخوانجى هنا .

      حذف
    3. Karishma Nasr28 أغسطس 2013 في 1:18 م

      انا جبت اللى يثبت كلامك هات اللى يثبت ان ده كدب وتضليل يا استاذ رجب !!

      حذف
  46. Unknown12 أغسطس 2013 في 1:03 ص

    dema3'yyyyyyyyyyyy

    ردحذف
    الردود
    1. Karishma Nasr28 أغسطس 2013 في 1:18 م

      معلش يامحمد , الثوره دى مش هتنجح الا اما ننضف من جوانا

      حذف
  47. أميرة12 أغسطس 2013 في 1:13 ص

    سلام عليكم يا جماعة عشان حد مختلف معاكم تشوهوه بالطريقة دى
    وتقولوا عنه كلام مش موثق مثلا تامر بدر تقولوا عنه ما اتفصلش يا سادة ده خد عفو من الرئيس مرسى الى كان قائد القوات المسلحة
    ركزوا شوية وانتوا بتتكلموا ولو عندكوا ادلة تثبت انه عميل و خائن تجيبه ادله اكتر من مجرد صورة ممكن الكلام فيها يتاخد باكتر من معنى
    انا اخوان بس للاسف اسلوبكوا فى تخوين غيركم خلانى اكره وجودى وسطكم

    ردحذف
  48. مهندس مصري بيحب مصر12 أغسطس 2013 في 1:43 ص

    اللي كتب البوست ده جدع و موثق كلامه بالصور
    الله يكرمك على إنك فضحت للثوار اللي مندسين وسطهم و هما بيقتلوهم و بعدها يتاجروا بدمهم

    ردحذف
  49. Unknown12 أغسطس 2013 في 2:03 ص

    بس الأدلة على وجود ضباط 8 إبريل في الأحداث مش قوية

    ردحذف
  50. Mohamed Saleh12 أغسطس 2013 في 2:32 ص

    ◄◄◄استمررررررررررر
    ولو عاوزنى فأى حاجة انا جاهز وده الاكونت بتاعى عالفيس :
    fb.com/mohamed.jocker

    مع انى مش مستوضح علاقة ضباط 8 ابريل بشكل كويس (انا اعرف انهم شرفاء) لكن تسلم ايدك.

    استمر وياريت تعملوا فريق من ناس تثق فيهم وتشتغلوا على الكلاب دول وانا متأكد ان فيه كتير لسه منعرفهمش...ربنا يجازيكم خير وربنا معاكم فلا تقلقوا أبداً.

    ردحذف
  51. Unknown12 أغسطس 2013 في 2:42 ص

    يا ولااد الكلاااااااااااااااااااااااااااااااااااب !!

    ردحذف
  52. Unknown12 أغسطس 2013 في 3:11 ص

    كله يحفظ الصفحة دي ويحفظ الصفحات اللي في اللينكات عنده على الهارد ديسك

    ردحذف
  53. عبرحمن 12 أغسطس 2013 في 3:12 ص

    انا كان نفسى حد يعمل النوت دى من زمان فشخ

    ردحذف
  54. Unknown12 أغسطس 2013 في 3:20 ص

    ربنا يحميك يا اللي كتبت الكلام دا..
    حسبنا الله و نعم الوكيل

    ردحذف
  55. Unknown12 أغسطس 2013 في 3:25 ص

    دي السياسيه زباله :( بس من الاول معروف الي في خيم التحرير دلوقتي شكلهم بلطجيه من غير كلام كتير بس انهم يستخدموا شباب الثوار لكراهيه الاخوان كدا بجد حسبي الله ونعم الوكيل :(

    ردحذف
  56. غير معرف12 أغسطس 2013 في 3:44 ص

    انا بدأت اشك فى نفسى .. ربنا يستر ..

    ردحذف
  57. bedawi2212 أغسطس 2013 في 3:57 ص

    بلد وسخة بنت وسخة

    ردحذف
  58. Unknown12 أغسطس 2013 في 4:10 ص

    ايه دا ياولاد الوسخة اللى بيحصل دا
    انتو بتقتلو الشباب عينى عينك كدا بفجر اللى جابوكو
    الكلام ده لازم يتعمل بيه بلاغ واللى مطلعه ومتابعه اكيد من وسطهم ومش عاجبه الكلام او ضميره نقح عليه
    احااااااااااااااااااااااا العيال دى لازم تتجاب

    ردحذف
  59. i know more than u know12 أغسطس 2013 في 4:20 ص

    رائع مرتب , مصوحوب بالأله .. ياريت الكل يفهمك ويعرف تجربتك وأد اه كنت مخدوع فى ما يسموا انفسهم الثور اللي هي اصبحت شغلانه عن الشباب المرتزقه وياريت نعرف ان الحرب الداخليه من الدوله العميقه كبيره جدا جدا ويجب ان نعيد حسابتنا ونقف ضدهم بعيدا عن النظر فى انتمائتنااااااا

    ردحذف
  60. Unknown12 أغسطس 2013 في 4:41 ص

    ويمكرون ويمكر الله والعاقبة للمتقين والارض نورثها لعبادنا والعاقبة للمتقين وايات كتيربالمعنى ده المهم ان الذكرى تنفع المؤمنين اللهم ثبت قلوبنا على دينك وتوفنا وانت راضً عنا امين

    ردحذف
  61. Unknown12 أغسطس 2013 في 5:13 ص

    تعرفوا بيتعمل ايه فى اخواتكوا المسلمات فى العراق وسوريا وبورما و قبل كده فى الشيشان والبوسنه مئات الرجال بيغتصبوهن وفيهن كتيييرر ماتوا من كتر الاغتصاب للنساء والاطفال وحتى الرجال لو حصل ده فى مصر يبقى بسبب الخونه وسبب النزاعات اللى بينكوا وانتوا اول ناس حتندموا بكرهكوا لفصيل مصرى مسلم موحد بالله وكتير مش قليل انتوا بس اللى مركزين فى القاهره مش فى باقى المحافظات ياريت لو انتوا عندكوا حسن نيه بجد تقرأوا التاريخ و تراجعوا احداث العراق وسوريا و بورما و الشيشان والبوسنه وبعدها تسمعوا لمشايخ الناس اجمعت على حبها و تشوفوا بيقولوا ايه عن دم المسلم كلنا حنخسر جيش وشرطه و شعب كامل و اللى حيدفع التمن زوجاتنا و بناتنا فى السجون و فى الشوارع لما يغتصبوهم الاعداء الحقيقيين و اطفالنا لما تندبح فى الشوارع و احنا لما نموت بحسرتنا على البلد اللى دمرناها و ضيعناها بسبب فرقتنا و كرهنا لبعض //حد حيفهم//

    ردحذف
  62. Unknown12 أغسطس 2013 في 5:42 ص

    هههههههههههام

    ردحذف
  63. Unknown12 أغسطس 2013 في 5:51 ص

    ربنا يستر

    ردحذف
  64. Sherif Elsirfy - شريف الصيرفي12 أغسطس 2013 في 6:34 ص

    أزال المؤلف هذا التعليق.

    ردحذف
  65. Sherif Elsirfy - شريف الصيرفي12 أغسطس 2013 في 6:40 ص

    أزال المؤلف هذا التعليق.

    ردحذف
  66. Unknown12 أغسطس 2013 في 6:56 ص

    لك الله يا مصر بقا هو دا حال شباب البلد اللي المفروض يحافظو عليها ويهمهم مستقبلها يسقط كل من خان القضية

    ردحذف
  67. المصري مصطفى12 أغسطس 2013 في 7:28 ص

    انا عرفت دلوقتي ان الاخوان انضف ناس في مصر و دم اللي مات لعنة على الكلاب و الخونة و القتلة الى يوم الدين..قناعات كتير بخصوص السلمية عندي هتتغير..و مش لوحدي

    ردحذف
    الردود
    1. Karishma Nasr28 أغسطس 2013 في 1:21 م

      عند الاخوان اللى اوسخ من كده وصفوفهم كلها مخترقه ومنيله بنيله بس لسه مافيهمش الراجل اللى ينطق بالحق ّ

      حذف
  68. Unknown12 أغسطس 2013 في 7:29 ص

    04.04.2014
    موعد تسليم حكم مصر لسلطة مدنية منتخبة
    http://www.cc-timer.com/
    عداد ثورة مصر السلمية : الموجة الثالثة

    ردحذف
  69. ·٠•●♥ Ɣαηĩしĩα ♥●•٠·˙12 أغسطس 2013 في 7:34 ص

    ربنا ينتقم من الداخلية اللى عمت قلوب الشباب وخادتهم كده معاها عشان يموتوا اصحابهم !!! وربنا ينتقم من الاعلام اللى خلا المصريين يتمنوا الموت لبعضؤ :( :( :(
    لكِ الله يــآ مصــــــــــــــــــــــــــــــــــــــر

    ردحذف
  70. Unknown12 أغسطس 2013 في 7:36 ص

    elmafrood elhagat de yt3emel biha balagh lelna2eb al-3am we m3aha al-sewar we el-vediohat we kol 2ethbat mawgod, maynfa3sh elsekoooot, lazem tetkalemo we twasalo alkalam dah lelsha3b koloh we lelra2y al3am.

    ردحذف
  71. باسم عبد الباسط12 أغسطس 2013 في 7:44 ص

    و ربنا انت برنس كسم الداخلية

    ردحذف
  72. Unknown12 أغسطس 2013 في 8:02 ص

    ادخل واعرف حقائق جديدة

    www.playark.net

    ردحذف
  73. ahmed eltokhy12 أغسطس 2013 في 8:21 ص

    يالهوووووووووووووووووووووووووووووووووووووووووووووووووى
    البلد كلها جواسيس ومرشدين سترك يارب

    ردحذف
  74. مصطفى كامل (مصرررررى قووووى)12 أغسطس 2013 في 9:57 ص

    ما تبعتللى تليفونك يا نجم

    ردحذف
  75. Unknown12 أغسطس 2013 في 11:00 ص

    التدوينه فيها اخطاء بس الشخصيات كتير منهم شمال الشمال ومينفعش يبقو وسطينا #الثوره_تريد_تنضيف_الثوار

    ردحذف
  76. Unknown12 أغسطس 2013 في 11:16 ص

    الكلام ده مصيبه :O انا مش عارفه اقول ايه بس زي ما الشرطه كانت بتحمي الاخوان قبل كده في اي مظاهره بتحمي البلاك بلوك دلوقتي و جو الاسطوره ده كلامه مش داخل دماغي و لو الشرطه فعلا كانت بتضرب يبقى من حقها هما المفروض يستنوا يموت منهم كتير عشان يتحركوا ولا ايه و الاخوان معاهم سلاح و بتوع التحرير في منهم الكويس و منهم اللي مش كويس :( الواحد زهق

    ردحذف
  77. hatmz7812 أغسطس 2013 في 12:05 م

    تسلم ايدك كنا مغشوشين فى ولاد الكلاب

    ردحذف
  78. sherifbaghdady12 أغسطس 2013 في 12:34 م

    يا نهار اسود.. الكلام دا خطير جدا ونشكر المدونة على كشف الحقايق وربنا لناخد بالتار لكل من رفع سلاحه ضد اخوه علشان شوية فلوس

    ردحذف
  79. احمد عواض12 أغسطس 2013 في 1:00 م

    الصراحة قريت واتاكدت ان الكلام ده فعلا حصل هتقولى ازاى هقولك كتبت اساء بعض الاشخاص الموجودة فى التعليقات ودخلت على صفحاتهم لقيتها حقيقية الله مع من يظهر الحق

    ردحذف
  80. Unknown12 أغسطس 2013 في 1:38 م

    http://youtu.be/1VYhpVqxa7M

    هاتولي اثبات واحد ان في حد من ظباط 8 ابريل الشرفاء كان في حد منهم هناك وقتل ولما انتوا شاطرين قوي كدا ليه لما حد شاف محمد وديع وهو بيقتل زي ما بتدعوا ما صوروش ولا الفيلم خلص ع الحته دي
    واحد زي دا ف 2010 عمل أغنيه حارب بيها طنطاوي واتسجن عشانها وبعدين اتسجن مع أحرار 8 ابريل
    واتهانوا......وماسكتوش وهم ف السجن فضحوا المجلس العسكري .....لو متأكد ومعاك دليل قدم بلاغ ....
    وبما اني متأكده انك معاكش فاختشي ع دمك روح شوه ناس تانيه غير دول...وع فكره كان غيركم أشطر ظباط 8 ابريل أشرف منكم ظباط 8 ابريل اتكلموا ساعة ما اللي زيكم كانوا نايمين ف البيت

    ردحذف
    الردود
    1. Unknown12 أغسطس 2013 في 6:45 م

      ضباط 8 ابريل صناعة السيسي ضد عنان والمشير

      حذف
    2. Karishma Nasr28 أغسطس 2013 في 1:25 م

      الواضح ان حضرتك اللى نايم فى البيت لانك لو بتنزل كنت شوفت الشله دى كلها فى كل الاشتباكات ضد الاخوان , انا ضد الاخوان قلبا وقالبا بس ضد الدم عموما ومش هسمح ان القرف ده يلصق بالثوار , ولو كان عند حد منهم رد كان رده عليه ماكنش هيستنى حضرتك تدافعله , شكرا

      حذف
  81. دُعــاء12 أغسطس 2013 في 1:41 م

    !!

    ردحذف
  82. Unknown12 أغسطس 2013 في 1:46 م

    هــــــــام| للشاهد فيديو خطف الشيخ محمود شعبان احد الخاطفين يدعى سامح المصري وهو الشاب الذي يرتدي تشيرت احمر بالصدفة وجدته صديق الرائد تامر بدر احد ضباط 8 ابريل على الفيس بوك ووجدت انها مصادفة غريبة ولا اعلم ما علاقته به لكي لا اظلم احد وتم توجيه سؤال للرائد تامر عن تفسيره ولم يجب !!!....اللهم انصر الحق واهله وانتقم من السيسي واعوانه

    ردحذف
  83. عبدالرحيم العبدلى12 أغسطس 2013 في 1:57 م

    معقوله ايه ده هو احنا عايشين فين ده حتى فيلم اكشن مش حيكون بالشكل ده .

    ردحذف
  84. Unknown12 أغسطس 2013 في 2:41 م

    جمله واحده هرد بيها على كل كمية الحقائق والمصايب دى

    لقد تامر الخونه على الثورة

    ردحذف
  85. Unknown12 أغسطس 2013 في 2:50 م

    للأسف المخابرات خدعت الكل ( ثوار / إخوان ) و استخدمت مبدأ فرق تسد ... و إحنا اللى بنموت دلوقتى و العسكر و النخبة العار هم اللى ركبوا الثورة و دلدلوا , عشان كده لازم نجرد النوايا لله و ننزل نقول للعسكر لأ , و لوزارة البلطجية لأ و لو عايزين نعيد 28 يناير نعيده و نعلم عليهم عشان , الثورة لا تضيع و بعد كده هنكمل الثورة و نوقف الاخوان عند حدودهم

    ردحذف
  86. Unknown12 أغسطس 2013 في 3:33 م

    مينفعش صاحب/ت المدونة دي يعمل بطل و يعرف الناس بنفسه :) ده تنبيه بس عشان ولاد الوسخة الي اكيد بينكشو دلوقتي عشان يكتمو صوتك الكلام ده معروف ما بين ناس من الثوار و عرفته من قريب بس مفيش دليل :( بس حضرتك بسم الله ماشاء الله لخصت كله و بالادله يمكن متكونش ادله قاطعة بس حاجات و كلام مقنع :) تحياتي و يسقط كل من خان ( اشباه ثوار - عسكر - فلول - اخوان )

    ردحذف
    الردود
    1. Karishma Nasr12 أغسطس 2013 في 4:51 م

      لو عملت سيرش ع اسم المدونه هيطلعلك اسمى , مابخافش :)

      حذف
  87. Unknown12 أغسطس 2013 في 3:45 م

    دى بعض الحقايق جهد مشكور طبعاً بس أحب أقول للجميع .. إن بعد الانقلاب الموضوع واضح زى الشمس إن العسكر سبب كل المصايب دى والأزمات وطعنات الثوار فى بعض مدبره علشان خاطر الإنقلاب ..أحب أقولكم إن دى فرصتنا الاخيره كووووولنا.. هى الان الوقوف بجانب الاخوان ونتفاهم معاهم واللى اتكسر يتصلح .. ولو حكم العسكر متكسرش المره دى .. الشعب كله هيلحس التراب.

    ردحذف
  88. Ben Alaa12 أغسطس 2013 في 4:57 م

    بصراحة متفاجئ جدا من كم المعلومات دى كلها

    و انا شايف انى اللى نزل مع الداخلية ناس بتفهم و ابطال والخونة الحقيقين اللى اتخذوا هتاف يسقط حكم العسكر استراتيجة تفكير .. و لكن الاخرين نازلين لما لاقوا انى من الخطر ترك فئة مثل الاخوان فى الشوارع او حتى ترجع للحكم لانهم خوارج العصر بكل ما تحمل الكلمة من معنى و تركهم يزيد من احتمالية دخولنا فى المسلسل السورى بامتياز .. الشباب اللى نزلت مع الداخلية فكرت صح و عارفين اى هى اولويات كل مرحلة
    و ياريت منضحكش على بعض و نقول يسقط حكم العسكر دلوقتى فى ظل انهم اساسا ممشيوش وقت مرسي و كانت لهم اليد الطولى و ان المجرمين الحقيقين من العسكر هم الان ليسوا فى الحكم بل كرمهم و اخرجهم خروج امن من يهتفون الان يسقط حكم العسكر .. لانى حكم العسكر فقط ازال حكمة الدينى الطاغى ... انا لو اخويا واقف مع الاخوان هقتلوا
    انت عايز اية و فى دلوقتى اتنين من اكبر الداعين للثورة دى الان موجودين فى الحكم !!
    انت كنت عايز الثورة و الاصلاح و لا عايز تتعلو

    ردحذف
  89. اشرف12 أغسطس 2013 في 5:41 م

    الكل ها يتحاسب فى يوم من الايام ------- ان غدا لا ناظره قريب -----------

    ردحذف
  90. برد اليقين12 أغسطس 2013 في 8:02 م

    بارك الله فيكم / بالنسبة لما كتب في هذا المقال فهو بقدر الله ليفضح هؤلاء الخونة المجرمين لان الله محيط بمكرهم "يستخفون من الناس ولايستخفون من الله وهو معهم إذ يُبيّتون مالايرضى من القول وكان الله بمايعملون محيطا" -سورةالنساء:108-انا لله وانا اليه راجعون ,منذ بدأت الثورة , كل واحد اظهر معدنه وأصله الحقيقي , وظهر من عنده نور بصيرة من الله ومن يسير كالأعمى ويعيش كالأنعام بل أَضل ....من قتل واستحل دم أخوه المصري هو أصله ليس طيب لايعرف الوفاء ولم يذق طعم الإيمان , حسبي الله ونعم الوكيل , ظهرت تربية كل انسان على الحقيقة وسقطت الاقنعة , لان الفتن مثل المصفاة تميز الخبيث من الطيب , اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

    ردحذف
  91. Kushyar12 أغسطس 2013 في 10:37 م

    الدالخية والعسكر اللى تلاقى ميدان فاشخ رجليه ومخة على البحرى وميخترقوش تبقى داخليه ملهاش لزمة اكيد يعنى ثورة الهطل وثور العبط

    ردحذف
  92. طالب اشتراكي12 أغسطس 2013 في 11:45 م

    انا عندي معلومات اكتر بخصوص الموضوع ده و ياريت نتقابل قريب و نتكلمايميلي amr.mohamed.abdelwahab@gmail.com

    ردحذف
  93. Unknown13 أغسطس 2013 في 4:08 ص

    حسبى الله و نعم الوكيل فى الطرفين الحل الوحيد سيادة دولة القانون و إلا ستنهار مصر على يد المرتزقه و البلطجيه كل من يحمل سلاح يجب معاقبته و الشغب و الفوضى يجب السيطره عليها بمنتهى الحزم بالقانون

    ردحذف
  94. غير معرف13 أغسطس 2013 في 2:21 م

    baraka allaho fi alrijal anti-coup. wa al amn wa al3askar kilab hamir

    ردحذف
    الردود
    1. Karishma Nasr28 أغسطس 2013 في 1:28 م

      انا لا مع الانقلاب ولا ضده , بس من ناحية الحمير فهم كتير بما فيهم الاخوان

      حذف
  95. Unknown18 أغسطس 2013 في 6:35 م

    الكلام الي يخص ظباط 8 ابريل متفبرك و هجص هاتولي اثبات واحد ان في حد من ظباط 8 ابريل الشرفاء كان في حد منهم هناك وقتل ولما انتوا شاطرين قوي كدا ليه لما حد شاف محمد وديع وهو بيقتل زي ما بتدعوا ما صوروش ولا الفيلم خلص ع الحته دي
    واحد زي دا ف 2010 عمل أغنيه حارب بيها طنطاوي واتسجن عشانها وبعدين اتسجن مع أحرار 8 ابريل
    - انا اعرف الظباط كلهم وعشت عنهم و مدين ليهم بحياتي في السجن الحربي
    - هما اللي كشفوا الخائن طنطاوي وحمايته لمبارك وقفوا قدام المجلس العسكري والسيسي ونبهونا لمواجهة فساد قيادات المجلس
    -نزلوا الميدان شايلين اكفانهم وكل واحد عارف انه عقوبته الاعدام ,,مهمش عشان كلمت الحق

    - وقفوا دفعوا عننا في السجن الحربي وكل المعتقليين _محمد عبد الغني _حسن شاهين _ لؤي نجاتي

    واتهانوا......وماسكتوش وهم ف السجن فضحوا المجلس العسكري .....لو متأكد ومعاك دليل قدم بلاغ ....
    وبما اني متأكده انك معاكش فاختشي ع دمك روح شوه ناس تانيه غير دول...وع فكره كان المخابرات أشطر منكم ومعرفوش يشوهوا ظباط 8 ابريل أشرف منكم
    ظباط 8 ابريل اتكلموا ساعة ما اللي زيكم كانوا نايمين ف البيت

    رد اما اللي خص بقيت مجموعات الثوار انا مش هعلق الاني معرفش الكلام ده صح ولا غلط

    ردحذف
  96. Unknown2 سبتمبر 2013 في 10:11 ص

    انا كنت متأكد ان الثورة دى لازم يحصل فيها انقسام ولازم لازم تكون من اللــ عملو الثورة وعلشان كدة لما تبقى دى النتيجة اللــ وصلنلها يبقى أكيد دي ثورة كأسماً فقط ومش ثوار مقتنعيين ان الشرطة بلطجية وان مينفعش يحكمنا عسكر تانى

    ردحذف
  97. Unknown2 سبتمبر 2013 في 11:42 ص

    حسبا الله ونعم الوكيل إن شاء الله الخلافة قادمة

    ردحذف
  98. lamya ahmed2 سبتمبر 2013 في 5:21 م

    لاحول الله ولا قوة الا بالله العلي العظيم شباب في زهرة حياتهم عم بيموتوا ونحن مشغولين مين الي رح يكون بلطجي ومين رح يكون بلاك بلوك .. يعني يا شباب مصر اذكروا في أنه هناك رب كبير يراكم وكاشف أسراركم فلن يرحم مافي الارض لان مافي السماء عظمه قادره على كل شيء ... فحساب الاخره رهيبه سوف يحاسب الله على كل من ساعد على قتل روح بريئه ... لاحول الله ولا قوة الا بالله العلي العظيم .... حسبي الله ونعم الوكيل .... انتم تفتكروا الي علق اخوانيه لا والله انا انسانه مثلكم مثل أي انسان ثاني بس لاني بخاف ربي وبعمل له حساب كبير فله حساب عسير لن يكون هناك ملجأ او مفر منه ... تذكروا الله

    ردحذف
  99. Unknown4 أكتوبر 2013 في 10:45 ص

    حسبي الله ونعمه الوكيل فيكم يا اخوان يا خونه

    ردحذف
  100. مدوناتى 21 أكتوبر 2013 في 1:31 م

    ناس بتهاجم وناس بتدافع وانتيجة ان ان 25 يناير لم تعد ثورة بل مجرد انتفاضة على الرغم من انها هى الثورة التى انتفض فيها الشعب بكل طوائفة وليست مجموعة فلان أو علان او حركة هذا وذاك أو جبهة زيد أو عبيد الخيبة كل الخيبة ان الناس انقلبت على بعضها ومبقاش حد عارف مين اللى بيحب البلد أ, خايف عليها لكن الاكيد ان الشعب اللى خرج فى 25 يناير بيتعاقب بلتخطيط والقتل الممنهج وأشاعة الانقسام بين الناس واحداث الفوضى الى أن يعود حكم الدولة كما كانت من قبل 25 يناير وغير ذلك فعلى الشعب ان يقتل بعضة ............لك اللة يامصر

    ردحذف
  101. Unknown1 ديسمبر 2013 في 12:23 م

    mohamed ahmed fouad mohamed abd el gawad

    كلامك صحيح واحنا لازم نتوحد تاني عشان مصر متضيعش مننا ,,

    أدعو كل مصري مسلم أو مسيحي انه ميفكرش في مصلحته الشخصيه علي حساب مصر انما يغلي مصلحة الوطن علي مصالحه

    وكمان ننسي اننا طوائف وملل مختلفه ونرجع واحد زي الأول ,, لك الله يا مصر يا حبيبتي .

    ردحذف
  102. Unknown6 مارس 2014 في 6:30 ص

    ياريت نستعمل عقولنا ونعرف ان هناك مؤامره عللى ثوره 25 يناير

    ردحذف
  103. Unknown22 مارس 2014 في 6:49 ص

    http://atravian.com/ts5/register.php?ref=117

    ردحذف
  104. Unknown1 يونيو 2014 في 10:19 م

    حسبنا الله ونعم الوكيل

    ردحذف
  105. مشاغب انا12 سبتمبر 2014 في 11:38 م

    بس يجو انتا العملتو ده محدش يقدر ينساه وديه خدمة كبيرة عشان الناس تعرف ان كتايب الدفاع عن الثورة ديه امنجية انا كنت في كتيبة شيكو واسلام مولتوف وسبتوهم يوم جمعة تطهير القضاء ورحت البلاك ارمز ولو عاوز تعرف انا سبتهم ليه تعالي علي الخاص وانا كدا كدا عاوزك في موضوع

    ردحذف
  106. مشاغب انا12 سبتمبر 2014 في 11:50 م

    https://www.youtube.com/watch?v=tf4zW_mbWZs وده في شيكو وهو بضرب المعتصمينبتوع رابعة وهما بيس حبوهم واحدة واحدةhttps://www.facebook.com/l.php?u=https%3A%2F%2Fwww.youtube.com%2Fwatch%3Fv%3DqEh69COgKeM&h=BAQFFa9h5 وده فديو المندس بردو بيوضح وانا كان معايا حاجات كتير تفضحهم وانا عملت اكتر من كدة انا من ايام جمعة تطهير القضاء وانا بفضحهم بس هما كانو كتير ودويدار حرم عليا دخول الميدان ومش هينفع كدا تعالي علي الفيص ونتكلم

    ردحذف
    الردود
    1. Karishma Nasr14 سبتمبر 2014 في 1:00 م

      اولا انا مش جو انا اسمى كاريشما , ثانيا كل لينكاتك مش شغاله .. تحياتى

      حذف
  107. Unknown27 نوفمبر 2014 في 3:13 ص

    اريد معرفة حقيقة ضباط 8 ابريل ؟؟؟
    هل هم خائنيين وامنجية ومخابرات ؟؟؟ وايضا المقدم ايمن احمد سالم ؟؟؟

    ردحذف